المنخرطون الشرفاء اخرجوا و تكلموا و لا تتركوا المكان للمتآمرين و البزناسة و الذين حطموا “موديل” الرجاء.
بغيتوا ولا كرهتوا جاء زمن الحكامة بواسطة شركة ذات مجلس إداري يتكلف بالتسيير العام. على المنخرطين إذا كانوا حقاً رجاويين أن يسيروا على هذا الدرب و أن يُبعدوا الجمعية عن التدبير اليومي .
أول مرة سأتكلم عن بعض المنخرطين بعد أن بلغ السيل الزُبى. أولئك الذين ركبوا في يوم من الأيام على شعار باسطا أقول لهم اليوم جاء دوركم في “باسطا”.
واش ماكاتعياوش، ما كتشبعوش، 12 سنة من التسمسير و التبزنيس و مازال لاصقين. الناس كانت حشمانة ولا خايفة من “الذبان” ديالكم و لكن اليوم جا القانون اللي غايحاسبكم. انسحبوا بهدوء إذا كانت مازال فيكم ذرة من الترجاويت و خليوا الناس تخدم. أي واحد ستختاره الشركة علينا احترامه كمساهمة منا جميعاً في مرحلة إعادة البناء. تعطيه 10 ولا 30 ولا 50 واش غاتخلصوه انتوما. الشركة تحاسبوها نهار تقول كاينة أزمة، مانعذروهاش.
التاريخ يسجل، و يحتفظ بأسماء المتآمرين و كواليس اجتماعاتهم كاينة حاضرة، و كل حاجة بوقتها.
عيقتو على هاد الفرقة واش بسحاب ليكم فيرمة ديالكم. واحد “الغروب” غير مخلصين عليهم الإنخراط من أجل البلطجة ساعتكم سلات.
اليوم لابد من انقلاب داخل البيت الرجاوي، انقلاب على العشوائية و سوء التدبير و التسمسير.
نظام الإنخراط كلو ساعتو سالات و الرجاء التي كانت دائماً سباقة للمبادرة عليها أن تقود قطار الحكامة الجيدة و الشفافية التامة، و لنترك كل اختصاص لأهله، فلا يعقل أن يتدخل الجميع في كل الأشياء حتى في نوع الماء المعدني.
كونو تحشمو، و راعيو للجمهور اللي مْأزم بسبابكم.
الجمهور الكريم : ثيقوا فالناس الشرفاء وحسابنا مع الشركة غايكون نهار تقول كاينة أزمة، ماعدا ذلك كل واحد يدير خدمتو..
ملحوظة : الذباب كنعرفوه و كانعرفو شكون وراه،
و الباديء أظلم
سمير شوقي
عن المؤلف
